Absolute Sanctuary – 10 dagar á Koh Samui


Við hjá Sólum höfum mikla ástríðu fyrir jóga og heilbrigðu líferni og strax og við lögðum af stað að skapa þann jógavettvang sem Sólir eru þá vissum við að við vildum bjóða uppá einstakar jógaferðir sem væru til þess fallnar að endurnæra líkama og sál.

Þriðja árið höldum við til Koh Samui í Thailandi þar sem að nokkrir af kennurum Sóla öðluðust sín kennsluréttindi. Þeirra á meðal er Sólveig Þórarinsdóttir sem einnig verður fararstjóri í þessari ferð. Hún hefur farið reglulega til Koh Samui á Absolute Sanctuary undanfarin ár og hefur kolfallið fyrir staðnum.

Við hjá Sólum og Kexlandi höfum undirbúið ferðina vandlega til að tryggja að hún skili ykkur hámarks árangri.  Í boði verður glæsileg dagskrá þar sem að allir ættu að finna eitthvað við sitt hæfi, góður og heilsusamlegur matur og síðast enn ekki síðst persónuleg farastjórn til að allir njóti sín og komi til baka endurnærðir og fullir af þakklæti og ást.

Okkur er því sönn ánægja að fá að fylgja ykkur til Thailands og kynna ykkur fyrir þessu frábæra heilsu og detox hóteli sem býður uppá heimsklassa aðstæður til jógaiðkunnar.

FARARSTJÓRAR

Sólveig Þórarinsdóttir jógakennari og eigandi Sóla hefur dvalið á Koh Samui regluega síðustu ár. Jóga, hreint matarræði og heilbrigður lífstíll er hennar ástríða og mun hún miðla þekkingu sinni og reynslu.

María Ólöf er ein af sólargyðjunum. Hún er einnig með 200RYT kennsluréttindi í heitu Jóga (Hatha) frá Absolute Yoga Academy, er menntaður Fit Pilates kennari auk þess sem hún lauk nýverið 50RYT Yin Yoga kennaranám í Bretlandi og leggur nú stund á Lyengar Jóganám.

 

Loading…

Um Absolute Sanctuary



ABSOLUTE SANCTUARY
er eitt af bestu detox og jóga hótelum Thailands. Það er staðsett á hinni glæsilegu Koh Samui eyju og býður upp á gistingu ásamt miklu úrvali af detox meðferðum, jóga og pilates tímum auk annarra meðferða. Absolute Sanctuary er nýjasta hótel Absolute en það var stofnað 2002 og á nú og rekur stærstu jógastöð Thailands og 8 aðrar stöðvar. Þar er boðið uppá fjölbreytt úrval af jóga s.s. hot yoga series, Hot Flow, Detox, Yin, Hatha og Pilates allt leitt af hæfum kennurum sem koma allstaðar að úr heiminum. Að auki er boðið uppá fjölbreytt “workshops” til að dýpka þekkingu og jóga iðkun. Absolute Yoga Academy hefur útskrifað yfiir 2.000 jógakennara sem kenna í um 40 löndum.

ga_10s

 

 

Nánar um Thailand