Apríl Harpa

Apríl sér um heimasíðu- og samfélagsmiðla Sóla. Hún er nýútskrifaður mannfræðingur með brennandi áhuga á ferðalögum, jaðaríþróttum og náttúru.

Apríl er einnig kennari í Sólum en hún leiðir Master Sequence tímana hja okkur á Sunnudögum. Í dag er jóga ómissandi þáttur af hennar daglega lífi ásamt því að vera alltaf að skapa eitthvað, hvort sem það eru skrif eða að mála! Ásamt því að sjá um heimasíðu-og samfélagsmiðlamál hjá fyrirtækjum vinnur hún sem snjóbrettakennari og er með meistarapróf í fríköfun.

Apríl hefur ótrúlega gaman af því að láta litlar hugmyndir verða að sjónrænum veruleika og mun því halda áfram að halda heimasíðunni lifandi fyrir hönd Sóla!

Uppáháldsstöðurnar

  • Handstöður
  • Tree Pose

Bergljót Friðriksdóttir

 

er rekstrarstjóri Sóla. Hún lærði fjölmiðlafræði í Þýskalandi og starfaði um árabil sem blaðamaður og textasmiður.

Beggó uppgötvaði jóga þegar hún bjó í Kalíforníu og hefur stundað jóga í Sólum frá upphafi.

Hún syndir í sjónum allt árið um kring og finnst svalt Norður-Atlantshafið dásamlegt mótvægi við heitan jógasalinn í Sólum.

Beggó á tvö börn og einn hest.

Uppáhaldsstöðurnar

  • Bird of Paradise
  • Compass
  • Crow

beggo@solir.is
s. 680 4448

Heiða Magnúsdóttir

 

er nýr eigandi í Sólum en hefur verið meðlimur frá upphafi.

Heiða hefur starfað sem hönnuður og listrænn stjórnandi til margra ára í London, New York og Hong Kong þar sem hún var búsett í samtals 25 ár.

Hún féll endanlega fyrir jóga fyrir 14 árum síðan og tók 200 hr kennsluréttindi í Quantum jóga í London og á Goa á Indlandi. „Jógadýnan er minn sálufélagi, sálfræðingur og líkamsræktarfélagi“.

Heiða á fimm börn og einn hest.

Heiða útskrifaðist frá Parsons School of Design í New York með gráðu í Design Marketing og með viðbótargráðu í Art Direction frá Central Saint Martins í London. Hún er á kafi að setja á laggirnar lista- og menningarsetur í Ásmundarsal. List og jóga eru fullkomnir lífsförunautar.

Uppáhaldsstöðurnar

  • Tripod
  • King Pigeon
  • Embryo Pose

Karen Axelsdóttir

er nýr eigandi í Sólum og kemur inn með gríðarlega þekkingu og reynslu á sviði hjólaíþróttarinnar. Hún er margfaldur Íslandsmeistari bæði í þríþraut og hjólreiðum og núverandi Íslandsmethafi í Ironman sem hún fór á tímanum 9 klst .24 mín (hljóp maraþon á 3 klst .11 mín eftir 180 km hjól og 3,8 km sund), þannig að hún er ýmsu vön þegar kemur að stuttum eða löngum vegalengdum. Hennar stærsti sigur var þó ekki endilega íþróttalegs eðlis en 2013 lenti hún í alvarlegu slysi.

Sú endurhæfing var löng og ströng og Karen bjóst ekki við að stíga aftur á hjól eða reima á sig hlaupaskó. Hún hefur náð ótrúlegum bata eftir fjögurra ára baráttu og þakkar hann því góða formi sem hún var í og stöðugri vinnu í jákvæðri sálfræði. Fólk nýtur góðs af því í tímum því hún blæs í fólk krafti, eldmóði og þakklæti.  Hún stundar ekki lengur markvissar keppnisæfingar og er mest í að smita aðra af hjóladellu og njóta sín á fjallahjóli. Karen hefur samt greinilega litlu gleymt og nær góðum árangri í þeim keppnum sem hún tekur þátt í, var t.d í sigurliði kvenna í Wow cyclothon 2017 og ýmist í 1. eða 2. sæti í þeim keppnum sem hún hefur tekið þátt í 2018.

Karen hefur lengi dreymt um að opna eigið stúdíó og nú loksins er sá draumur að rætast. Í hennar huga kom aldrei annað til greina en að sameina hjól með jóga til að bæta heilsu fólks heildrænt, sérstaklega hvað varðar kvið- og bakstyrk ásamt liðleika sem hjólara, hlaupara og fólk almennt vantar sárlega í sitt prógram.

Karen er viðskiptafræðingur frá HÍ og Msc í starfsmannastjórnun frá London School of Economics. Hún hefur þjálfað frá 2005, er með einkaþjálfunarpróf frá ACE sem og þríþrautarréttindi frá British Triathlon Association. Hún er gift Gunnari Páli Tryggvasyni og þau eiga þrjú börn.

Sólveig Þórarinsdóttir

er eigandi og stofnandi Sólir – jóga & heilsusetur. Hún er höfundur bókarinnar Jóga fyrir alla – grunnbók um jóga, heitt & hefðbundið sem kom út árið 2014. Sólveig starfaði lengi á fjármálamarkaði en hefur undanfarið snúið sér alfarið að jógakennslu. Hún er með 200 RYT kennsluréttindi í heitu jóga (hatha) frá Absoulte Yoga Academy og 500 RYT frá sama skóla í Ashtanga-jóga.

Sólveig á þrjú börn og sameinar ástríðu sína fyrir jóga og heilsurækt með því að kenna á gefandi máta og fjalla um heilbrigðan lífstíl á breiðum grundvelli.

Sólveig lærði viðskiptafræði í Háskólanum í Reykjavík, lauk meistaragráðu í stjórnun og stefnumótun fyrirtækja frá Háskóla Íslands og er löggiltur verðbréfamiðlari með yfir tíu ára starfsreynslu af verðbréfamarkaði.

Uppáháldsstöðurnar

  • Inversions af öllu tagi